Oma Pe Koleksi

Ome pe Koleksi Kacang Silver Quin
dikirim oleh : 130Yankee Lima, Ambon
Oma Dora so umur +/- 85 tahun, so abis gigi, hobi makang coklat Silver Quin (lebe butul kurang isap-isap itu coklat), satu kali Ansye deng dia pe tamang, Oma pe cucu pasiar. Oma pe sanang nyanda dua lantaran so lama Ansye nyanda ba hoba pa Oma Dora. Oma capat-capat pigi di dapur kong beking kopi, taru di meja tamu kong abis itu Oma kase tinggal pa dorang pi rameji ambe kukis di Kantin pembangunan nyanda jaoh dari rumah, maar nyanda babilang pa dia pe cucu (lantaran mo beking kejutan). Ansje pikir … “So talalu ini Oma, jao-jao datang dari Manado, Oma cuma sadia kopi – kopi barani lei” sementara ba pikir, dia pe mata ba haga kiri kanan, dia dapa lia stoples punung ta isi kacang (kacang bua yaki), capat-capat dia langsung ambe kong kase barbage deng dia pe tamang, dorang makang…. Sementara asik makang, kong oma ta sopu, “Ansje…, Oma nyanda da kukis… ini Oma cuma dapa kopi-kopi di Kantin sablah…” blum abis oma ba bilang, ansje langsung potong, “ Ado..h.. , oma jang lei ta sibu…, sudah torang so makang kacang..” Oma tanya : ”Kacang dari mana tu ngana da makang”. Ansje manyao “Oma ini dang, ada sadia kacang kote maar cuma kase sambunyi pa torang” Oma bale batanya : “Kacang dimana ???”. Ansje : ” Itu dang di pinggir Oma pe Kadera goyang” Oma cuma takage : ????. …. Oma makang Silver Quin so nyada ta kunya dia pe kacang, cuma dapa isap, kong abis itu Oma tampung di Stoples untuk koleksi. Oma cuma bilang “ kalu suka lei masih ada 3 stopless…. ????? ### @@@..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: